Charles Chaplin

Iste articlo ye sobre un actor y director cinematografico britanico. Ta atros usos, se veiga Charles Chaplin (desambigación).

Charles Chaplin
Charlie Chaplin, caracterizato como Charlot, en una imachen de 1915.
Información personal
Nombre real	Charles Spencer Chaplin
Calendata naiximiento:	16 d'abril de 1889
Puesto naiximiento:	Walworth (Londres, Reino Uniu)
Calendata muerte:	25 d'aviento de 1977
Puesto muerte:	Vevey (cantón de Vaud, Suiza)
Ocupación:	Actor, director cinematografico, guionista, productor cinematografico y compositor
Conchuche:	Mildred Harris (1918-1921) Lita Grey (1924-1927) Paulette Goddard (1936-1942) Oona O'Neill (1943-1927)
Sitio web:	www.CharlieChaplin.com
Premios Oscar
Premio Oscar honorifico: -1928: por a suya versatilidat en producir, escribir, dirichir y actuar en a cinta O Circo. -1971: por a suya incalculable contrebución ta o cine. Nominato a l'Oscar a o Millor Actor -1940: por The Great Dictator.

Sir Charles Spencer Chaplin, tamién conoixuo y confundiu con o suyo personache de Charlot, estió un actor, director cinematografico, guionista, productor cinematografico y compositor britanico, naixiu o 16 d'abril de 1889 de Walworth, un suburbio de Londres (Anglaterra), y muerto en Vevey (cantón de Vaud, Suiza) o 25 d'aviento de 1977. A suya carrera cinematografica s'alacetó en o cine mudo, cuan creyó o personache de Charlot, protagonista de cuantas d'as suyas cintas, y que marcó una fita en o cine d'humor, con cuantos gags que encara hue s'emplegan en o cine de comedia muderno. Ye uno d'os tres grans d'o cine mudo con Harold Lloyd y Buster Keaton y mientres a suya larga carrera cinematografica, que desembolicó dende meyaus d'os anyos 1910 dica meyaus d'os anyos 1960, recibió cuantos premios u honors.

D'entre a suya extensa filmografía bi ha que destacar cintas como The Gold Rush (1925), The Circus (1928), Modern Times (1936), The Great Dictator (1941), Monsieur Verdoux (1947) y Limelight (1952).